Tarea- i responsabilidatnan

E Representashon di Hulanda na Aruba, Kòrsou i Sint Maarten tin tres ofisina na tres diferente pais. Tres pais ku entre nan ta diferente pero ku ta konkordá ku huntu ku Hulanda nan ta den Reino. E tres ofisinanan ta representá í atendé e interesnan di e pais Hulanda na e paisnan i ta ehekutá e siguiente tareanan:

Informá ministerionan hulandes, otro gobièrnunan i organisashonnan di ehekushon tokante e desaroyonan gubernamental finansiero, sosial ekonómiko, sosial i kultural na Kòrsou, Aruba i Sint Maarten.
Konsehá ministerionan hulandes, otro gobièrnunan i organisashonnan di ehekushon tokante tur kos ku ta toka e relashon entre Hulanda, Kòrsou, Aruba i Sint Maarten.
Yuda prepará i guia bishita di mandatario hulandes i delegashon ofisial.
Representá e pais Hulanda na Kòrsou, Aruba i Sint Maarten na okashon ofisial i dia di fiesta.
Mantené kontakto i nètwèrk den e área di polítika, gobièrnu i komunidat.
Ofresé chèns i oportunidat pa konektá siudadano, instansia i kompania di e paisnan di Reino ku otro. Por ehèmpel ku organisashon di evento, enkuentro, presentashon i konferensia.
Komuniká i splika e maneho i e desishonnan ku Hulanda a tuma den e área di Relashonnan den Reino.
Kordiná ayudo di emergensia for di Hulanda si tin krísis ku ta surpasá e kapasidat di e islanan mes, manera desaster di naturalesa.
Ehekutá tarea a base di e Lei elektoral enkuanto referèndùm, elekshon di Tweede Kamer (Parlamento hulandes) i elekshon pa Parlamento oropeo.
Patrosinio di proyekto sosial, di komunidat, i kultural ku ta stimulá e bon relashon den Reino (te un máksimo di 5.000 Naf/AWG pa proyekto).
Monitòr i aklará reportahe relevante di medionan di komunikashon.
Duna asistensia konsular na hulandes inskribí na Hulanda, manera;

Ofresé ayudo di emergensia
Kuido di detenido
Duna informashon (por ehèmpel tokante reibeweis i pasaport hulandes) i referí na instansia outorisá
Otorgamentu di kódigo pa aktivá DigiD i karchi di e-NIK i alabes stèmpel formulario di attestatie de vita di fondo di penshun.