E Representashon di Hulanda ta un asina yamá puesto avansá di Hulanda i e tin tres ofisina. E ofisina prinsipal na Willemstad, Kòrsou (VNW), e ofisina na Oranjestad, Aruba (VNO), i e ofisina na Philipsburg, Sint Maarten (VNP). E tres ofisinanan ta representá i atendé e interesnan di e pais Hulanda na e paisnan Aruba, Kòrsou i Sint Maarten.
Pa medio di ta na altura kontinuamente di e desaroyonan lokal i di tin konosementu di e konteksto lokal, e Representashon por duna gobièrnu hulandes konseho di kalidat haltu tokante tur asuntu ku ta toka e relashon ku Hulanda. Nan ta funshoná komo un partner di kòmbersashon di e gobièrnu lokal, gobièrnu hulandes i organisashonnan. Tambe e Representashon ta ehekutá tarea konsular, komparabel ku e funshon di un embahada.