Teksto riba plakat 'Rehabilitashon di Tula riba 3 di òktober 2023'

Rehabilitashon di Tula riba 3 di òktober 2023

Riba 17 di ougùstùs 1795 na plantashi Kenepa Tula a papia ku su kompañeronan esklavisá, ku ken el a protestá kontra di inhustisia kometé kontra di nan. El a lucha huntu ku entre otro Bazjan Karpata, Louis Mercier i Pedro Wacao, pa libertat i igualdat.

Riba 18 di sèptèmber 1795 a traishoná Tula i a konden’é na morto basá riba un deklarashon fòrsá pa medio di tortura. Dia 3 di òktober 1795 banda di Fort Amsterdam a ehekut’é di forma horibel.

Na 2010 Gobièrnu di Kòrsou a rehabilitá Tula ofisialmente i a deklar’é héroe nashonal.

Awe 3 di òktober 2023, 228 aña despues di fecha di su morto, gobièrnu di Hulanda ta rehabilitá Tula.

Ku esaki ta rekonosé plenamente ku e lucha di Tula i di e otronan ku a oponé kontra sklabitut tabata unu hustu. Tambe ta mira bèk ku duele i bèrgwensa na e manera ku predesesornan di gobernantenan den pasado a trata nan.

Na nòmber di gobièrnu hulandes awe mi ta rehabilitá Tula i mi ta rekonos’é komo héroe di Kòrsou i di nos tur.

Atentamente,

Sekretario di Estado di Asuntunan Interno i Relashon den Reino,

Relashon den Reino i Digitalisashon

Alexandra C. van Huffelen