Entre tantu tur tres büro di vota pa medio di karta na Aruba, Kòrsou i Sint Maarten a será. Na Aruba i Sint Maarten a kuminsá konta voto manera ku e urna a sera. Na e büro pa vota pa via di karta na Kòrsou a konta voto djaweps 30 di òktober.
Imágen: © VNW
Aruba
Na Aruba 852 persona a registrá pa vota pa e elekshon di Tweede Kamer. A konta 648 voto durante un seshon públiko, di kual 2 blanku. Mayoria voto a bai pa partido D66 ku 182 voto, GroenLinks/PvdA ku 125 voto i PVV ku 92 voto.
Kòrsou
1.722 perona ku derechi di vota a registrá pa vota na e elekshon di Tweede Kamer na Kòrsou. A konta 1195 voto, di kua 2 blanku i 2 inbálido. Mayoría voto a bai pa partido D66 ku 286 voto, VVD ku 216 voto i GroenLinks/PvdA ku 205 voto.
Sint Maarten
234 persona a registrá pa vota na e büro pa vota via karta na Sint Maarten. A konta 176 voto durante un seshon públiko, di kua 1 blanku i 1 inbálido. Mayria voto a bai pa partido D66 ku 48 voto, GroenLinks/PvdA ku 25 voto i VVD ku 21 voto.
Pa un resúmen kompleto di e votonan emití pa pais i spesifikashon di voto pa partido bishitá e website hulandes di www.vnacs.nl.
Büro di vota via karta na Aruba 
Büro pa vota via karta na Sint Maarten 
Votadónan ku a bin riba delaster dia 29 di òktober a risibí un cupcake