Pa por vota pa elekshon di Tweede Kamer benidero na Aruba, Kòrsou i Sint Maarten lo bo por registrá for di awor te ku mas tardá 17 di sèptèmber komo persona ku derecho di voto. Entre 22 pa 29 di òktober Representashon di Hulanda ta funshoná komo büro di vota pa medio di karta. For di 22 di òktober bo por deponé bo voto, basta bo a registrá na tempu.
Vota na Aruba, Kòrsou òf Sint Maarten – kon esei ta traha?
Repesentashon di Hulanda den e tres paisnan ta funshoná komo un un asina yamá güro di vota pa medio di karta. Ta transformá en kantor komo un sala di voto temporalmente, teniendo tur regla di privasidat i seguridat. Aki ta akumulá tur voto, kontrolá i konta esakinan i despues ta publiká nan.
Bo a biba un minimo di 10 aña na Hulanda? Bo por vota!
Ken ta bin na remarke pa voto komo votadó pafó di Hulanda? Tur hende ku a biba un minimo di 10 aña na Hulanda por registrá su mes pa vota pa e miembronan di Tweede Kamer. Personanan Ulandes Europeo ku a muda resientemente pa Kòrsou mester registá pa por vota for di eksterior.
Personal den servisio públiko hulandes
Peronal den servisio públiko hulandes na Kòrsou tambe ta bin na remarke pa vota; banda di esei kasá, pareha, mayor òf voogd ku ta biba na e mesun adrès tambe por registrá pa por vota.
Registrá te ku 17 di sèptèmber
Por registrá te ku 17 di sèptèmber riba e página Registrá pa habitante di Aruba, Kòrsou i Sint Maarten. Yena e formulario, upload e dokumentonan rekerí i bo ta risibí un e-mail ku konformashon di e registrashon. Bo a registrá den pasado kaba komo votadó? Sigui e instrukshonnan den e e-mail di Stembureau Den Haag.
Buska bo prueba di votashon
Votadonan di pafó di Hulanda ku ta registrá ta haña un prueba di votashon pa por vota na Representashon di Hulanda. Bo por buska bo prueba di votashon, envelòp pa debolbé i un envelòp blanku di voto na Representashon di Hulanda promé ku e dia di elekshon. Por hasi esaki promé ku 1 di òktober. Por buska e prueba di votashon tambe ora e votadó bai vota.
Vota entre 22 pa 29 di òktober 2025
Por buska prueba di votashon for di 1 di òktober próksimo na Representashon di Hulanda for di e momentu ei bo por depositá bo voto via pòst. Mas fásil ta pa pasa entre 22 pa 29 di òktober na Representashon di Hulanda pa vota òf bo por outorisá un otro persona na tempu pa hasi esaki. Tur loke ta trata regla bo por lesa riba www.stemmenvanuithetbuitenland.nl.