80 mion pa fortalesé e fundeshi ekonómiko di e islanan karibense
Gabinete ta pone 80 mion euro disponibel pa tres proyekto ku mester kontribuí na fortalesé e fundeshi ekonómiko i oumentá e kapasidat pa para riba propio pia di e islanan karibense. Ku esaki ta realisá konstrukshon di un haf nobo na Saba, ta drecha e infrastruktura na Boneiru i ta oumentá siguridat di alimento riba tur e seis islanan.
Pa konstrukshon di un haf nobo na Saba ku ta resistí orkan i ta prepará pa futuro, den 2025 i 2026 tin en total 40 mion euro disponibel. Pa mehorá e ret di kaminda di Boneiru, gabinete ta destiná 16 mion euro. Ambos proyekto ta kontribuí na e kapasidat pa para ekonómikamente riba propio pia i ta duna un impulso na sektornan importante manera turismo. Pa garantisá ku Aruba, Kòrsou, Sint Maarten, Boneiru, Sint Eustatius i Saba riba término ta ménos dependiente di importashon di alimento for di eksterior, gabinete ta pone ademas 24 mion disponibel pa proyektonan ku ta kontribuí na oumento di e siguridat di alimento.
Bon gobernashon i finansa públiko sólido
Banda di e tres proyektonan akí, gabinete ta enfoká riba finansa públiko sólido i bon gobernashon, pasobra esakinan ta kontribuí di manera sostenibel na e kapasidat pa para ekonómikamente riba propio pia. E Organisashon di Trabou Temporal (TWO) te ku 2027 ta keda asistí e Paisnan pa logra realisá finansa públiko sólido, un gobièrnu fuerte, bon servisio públiko, desaroyo ekonómiko i enseñansa na òrdu. Den 2025 tin 30 mion euro disponibel pa esaki. Pa garantisá siguridat i estado di derecho, gabinete ta sostené Aruba, Kòrsou i Sint Maarten ku invershonnan pa detenshon, fortifikashon di kontrol di frontera i atendé ku kriminalidat supversivo. Ku esaki tin den 2025 en total 70 mion euro metí.
Fortifikashon di siguridat di eksistensia
Na Boneiru, Sint Eustatius i Saba tambe gabinete ta fortalesé siguridat di eksistensia. Strukturalmente gabinete ta hasi € 2 mion liber ku kua ta ta fortifiká servisio (insular) riba tereno di pobresa i debe. Ademas ta destiná strukturalmente € 1 mion pa kuminda eskolar. Banda di esei gabinete kier fortalesé forsa di kompra di tantu mayornan, komo personanan ku entrada mínimo i entrada medio. Gabinete a reservá strukturalmente € 8 mion pa esaki. Riba término kòrtiku gabinete lo elaborá mas aleu e detayenan eksakto.