Komienso intensivo pa Representante di Hulanda nobo
Edson Hato, Representante di Hulanda na Kòrsou, Aruba i Sint Maarten, tin algun promé siman intensivo tras di lomba.
Na Hulanda e la sera konosí ku diferente kolega di e ministerio di Asuntunan Interno i Relashonnan den Reino i a hiba kombersashonnan interesante tokante tópikonan importante manera formulashon di maneho, maneho di krisis i e pasado di sklabitut. Tambe e la partisipá na e programa di onboarding di Relashonnan den Reino ku a kuminsá awe. E próksimo simannan señor Hato ta topa ku diferente partner di kombersashon na Hulanda, pa despues biaha pa e islanan. For di Willemstad e lo sigui ku su trabounan.
