Reunion Interparlamentario di Reino na Kòrsou (IPKO)
E komishonnan fiho di Relashonnan den Reino di Eerste i Tweede Kamer, for di djamars 28 di febrüari te ku djabièrnè 3 di mart 2023, ta partisipá na e Reunion Interparlamentario di Reino (IPKO) na Kòrsou.
Riba agènda tin e akohida di fluho di migrante dentro di Reino, relashon den Reino mas mihó i duradero, e défisit demokrátiko den e struktura di Reino i e akuerdonan tokante reforma na Aruba, Kòrsou i Sint Maarten ku anteriormente a establesé den e paketenan di pais, inkluso entre otro riba e tereno di enseñansa, klima i medioambiente, i tambe protekshon di dato. Ademas e delegashonnan lo kontinuá kombersashon tokante pasado di sklabitut i e impakto di historia kolonial awendia. Esaki ta kontinuashon di e kombersashonnan den reunionnan di IPKO anterior. Dentro di IPKO, parlamento di Kòrsou riba 2 di mart ta organisá un bishita di trabou pa tur delegashon den kuadro di pasado di sklabitut i kolonial.
Bishita di trabou na Boneiru
Rondó di IPKO ta realisá vários bishita di trabou. Promé ku IPKO, riba djadumingu 26 i djaluna 27 di febrüari, e delegashon hulandes lo hiba un bishita di trabou na Boneiru. Temanan manera e plan di naturalesa i medioambiente nobo, maneho di awa, inundashonnan resien, maneho di shushi, bibienda sosial i klima i sostenibilidat ta pará sentral.
Konstelashon di e delegashon
Eerste Kamer
Paul Rosenmöller (GroenLinks) – vise lider di delegashon; presidente di komishon fiho di Relashonnan den Reino
Annemarie Jorritsma-Lebbink (VVD)
Ria Oomen-Ruijten (CDA)
Jeroen Recourt (PvdA)
Peter Nicolai (Partij voor de Dieren)
Tweede Kamer
Mariëlle Paul (VVD) – lider di delegashon; presidente di komishon fiho di Relashonnan den Reino
Roelien Kamminga (VVD)
Jorien Wuite (D66)
Habtamu de Hoop (PvdA)
Kauthar Bouchallikh (GroenLinks)
Liane den Haan (Fractie Den Haan)
Sylvana Simons (BIJ1)
Grifirnan
Tim de Lange (Tweede Kamer)
Fred Bergman (Eerste Kamer)
IPKO
E Reunion Interparlamentario di Reino (IPKO) ta e struktura di reunion di parlamentonan di e paisnan den Reino hulandes. Delegashon di Parlamento General i di Parlamento di Aruba, Kòrsou i Sint Maarten ta reuní dos biaha pa aña, un biaha na Hulanda i un biaha rotativo na un di e islanan karibense, tokante temanan di interes pa e paisnan dentro di Reino.