Bo ta biba na Aruba, Kòrsou òf Sint Maarten i bo tin derecho di vota pa elekshon di Parlamento hulandes (Tweede Kamer) i/òf Parlamento oropeo? E ora ei na e munisipio Den Haag bo por registrá komo votadó pafó di Hulanda.
Despues di registrashon komo ‘votadó pafó di Hulanda’ standart bo ta vota via karta. Pa esaki bo ta risibí un prueba di vota via karta i un papel di vota. Ta manda e prueba di vota via karta 12 siman promé ku un elekshon ku pòst pa e Representashon hulandes. Bo mes mester bai buska esaki einan. Bo ta haña un notifikashon ora e prueba di vota ku karta ta kla pa bo bin busk’é.
Mas o ménos 4 siman promé ku e elekshon, ta manda e papel di vota. Bo ta risibí e papel di vota via meil òf pòst, dependiente di loke bo a skohe ora di bo registrashon. Si bo a skohe pa e opshon ‘pòst’, bo por buska e papel di vota na e Representashon hulandes.
E papel di vota yená bo ta entregá huntu ku e karta di prueba di vota firmá na e Representashon na Aruba, Kòrsou òf Sint Maarten (e sentro elektoral di karta). Pa esaki estriktamente sigui e pasonan ku a deskribí den e manual athunto.