E Representashon di Hulanda ta yuda residente di Hulanda oropeo na Kòrsou, Sint Maarten òf Aruba si nan ta den un situashon di emergensia. Por ehèmpel pa motibu di un krímen òf un aksidente. Pero den pasado por ehèmpel tambe den kaso di desaster (di naturalesa) i e brote repentino di Covid-19.
Nos ta ofresé yudansa na:
- Residente di Hulanda oropeo ku no ta biba na Kòrsou, Sint Maarten òf Aruba permanentemente
- Doño di un pasport hulandes bálido pa refugiado
- Doño di un pasport hulandes bálido di strañero
Kuido di detenido
Si arestá residente di Hulanda oropeo na Kòrsou, Sint Maarten òf Aruba, outoridat lokal ta pone e Representashon na altura. Seguidamente e Representashon di Hulanda ta duna informashon, ta rekurí na organisashon di yudansa i, na petishon, por tuma kontakto ku famia òf konosí.
Otro emergensia
Den otro kaso di emergensia, bo mes mester tuma kontakto. Bo por alkansá nos di djaluna te ku djabièrnè, di 8 or di mainta te ku 5 or di atardi. E Representashon di Hulanda di ningun manera no ta duna pasashi di regreso pa Hulanda òf sosten finansiero.