Pidi eNIK
E eNIK ta un karchi di identidat elektróniko ku bo por usa pa identifiká bo mes na Hulanda oropeo. E dokumento tin un funshon pa login tambe, ku por usa den futuro pa login na un manera seif serka e organisashonnan gubernamental afiliá. Ehèmpelnan di esaki ta fondo di penshun i seguro di kuido na Hulanda i gobièrnu hulandes.
Awor por haña e eNIK tambe serka e tres ofisinanan di e Representashon di Hulanda. Bo por pidi e dokumento aki si bo:
- Ta inskribí komo habitante na Aruba, Kòrsou òf Sint Maarten
- Tin nashonalidat hulandes
- Tin un dokumento di biahe hulandes
- Tin un burgerservicenummer (BSN, number di servisio pa siudadano)
Por haña e eNIK solamente ku sita. Trese e siguiente dokumentonan ora bo bai bo sita:
- Bo Burgerservicenummer (BSN, number di servisio pa siudadano)
- Un ekstrakto di Asuntunan Sivil (optenibel na Kranshi, Censo òf Census Office)
- Bo pasaport
- Un pasfoto resien
- Bo dato di kontakto, pa nos por informá bo ki ora e eNIK ta kla pa bo bin busk’é
- Tarheta di débito òf tarheta di pago pa paga e eNIK. No ta posibel pa paga ku tarheta di krédito.
Kostonan
- Pa petishonario bou di 18 aña (e dokumento ta bálido 5 aña):
- ANG 146,87 na Kòrsou i Sint Maarten
- AWG 146,87 na Aruba
- Pa petishonario di 18 aña of mas (e dokumento ta bálido 10 aña):
- ANG 208,59 na Kòrsou i Sint Maarten
- AWG 208,59 na Aruba
Traha un sita pa pidi e eNIK.