Enkuentro pa profeshonalnan i dunadónan di trabou
“Skohe, bai i tuma e riesgo. Sino lo bo no a bin aki nunka”
"Dikon mi mester traha pa un dunadó di trabou na Kòrsou? I kiko ta hasié sufisiente interesante ku lo mi sigui traha pa e dunadó di trabou ei? Pues kon e dunadó di trabou por retené talento?" Esakinan tabata e preguntanan sentral durante e enkuentro “Braingainpa medio di fasiná i komprometé” durante kua dunadónan di trabou di sektor públiko i privá i profeshonalnan a papia tokante otro na Representashon di Hulanda.
Sinku ponensia, kada un ku un tema, a guia e diskushonnan di mesa rondó: kultura laboral, remigrashon, oportunidat pa karera, reintegrashon i reklutamentu. Den forma di speed dating, e gruponan a kòmbersá bou di guia di un supervisor di WeConnect of VNW. Na final di e reunion a kompartí e entradanan. Algun bottleneck: muchu tiki transparensia rondó di e prosedura di aplikashon, tiki oportunidat pa kresementu vertikal i ta sinti falta di e posibilidat di un presupuesto di eskoho i ferlòf di mayor. Tambe bon konseho: “skohe, bai i tuma riesgo. Sino bo no ta bini nunka!” tabata un di nan. Tambe a sugerí pa konstruí un banko di vakatura unda kompanianan por registrá, ku Gabinete di Minister Plenipotensiario por hunga un ròl mas grandi den publikashon di vakatura i ku profesionalnan yu di tera ku bin di Hulanda tin kompetensia manera asertividat bon desaroyá.
Sinku ponensia, kada un ku un tema, a guia e diskushonnan di mesa rondó: kultura laboral, remigrashon, oportunidat pa karera, reintegrashon i reklutamentu. Den forma di speed dating, e gruponan a kòmbersá bou di guia di un supervisor di WeConnect of VNW. Na final di e reunion a kompartí e entradanan. Algun bottleneck: muchu tiki transparensia rondó di e prosedura di aplikashon, tiki oportunidat pa kresementu vertikal i ta sinti falta di e posibilidat di un presupuesto di eskoho i ferlòf di mayor. Tambe bon konseho: “skohe, bai i tuma riesgo. Sino bo no ta bini nunka!” tabata un di nan. Tambe a sugerí pa konstruí un banko di vakatura unda kompanianan por registrá, ku Gabinete di Minister Plenipotensiario por hunga un ròl mas grandi den publikashon di vakatura i ku profesionalnan yu di tera ku bin di Hulanda tin kompetensia manera asertividat bon desaroyá.
E enkuentro ta un inisiativa di Fundashon WeConnect i a keda organisá den kolaborashon ku Representashon di Hulanda na Willemstad. E tipo di enkuentro aki ta ofresé dunadónan di trabou e oportunidat pa haña akseso na un ret mas amplio pa medio di e profeshonalnan. Pa profeshonalnan, esaki ta un gran oportunidat pa konektá ku esnan ku ta regresá (prinsipalmente for di Hulanda), interkambiá eksperensia i kontribuí na ‘braingain’.
E inisiativa aki ta kuadra den e ophetivonan di Relashonnan di Reino pa promové ‘braingain’ i transferensia di konosementu pa medio di e regreso di ‘Yu di Kòrsou’.
