Büró di vota pa medio di karta na Aruba, Kòrsou i Sint Maarten a sera i a konta e votonan

Notisia | 23-11-2023 | 02:33

Na Aruba, Kòrsou i Sint Maarten, e bürónan di vota pa medio di karta a sera despues di e konteo di e votonan emití na e bürónan aki pa e elekshon pa Tweede Kamer na Hulanda. A konta e votonan i awor ainda e Büró di vota pa medio di karta nashonal na Den Haag tin ku ratifiká esaki.

Na Aruba tabatin 538 persona registrá pa vota pa e elekshonnan pa Tweede Kamer. For di esaki un kantidat di 419 persona a depositá su voto na e Büró di vota pa medio di karta na Aruba. Mayoria di e votonan ta bai pa Groenlinks/PvdA (102); VVD (90); i Nieuw Sociaal Contract (56).

Na Kòrsou tabatin 1250 persona registrá pa vota pa e elekshonnan pa Tweede Kamer. For di esaki un kantidat di 845 persona a depositá su voto na e Büró di vota pa medio di karta na Kòrsou. Mayoria di e votonan ta bai pa VVD (237); Groenlinks/PvdA (144); i D66 (99).

Na Sint Maarten tabatin 200 persona registrá pa vota pa e elekshonnan pa Tweede Kamer. For di esaki un kantidat di 134 persona a depositá su voto na e Büró di vota pa medio di karta na Sint Maarten. Mayoria di e votonan ta bai pa D66 (33); VVD (28); i Groenlinks/PvdA (28).

Pa un resúmen kompleto di e votonan emití pa pais i spesifikashon di voto pa partido, tuma nota di e prosèsferbalnan athunto. Ta publiká nan tambe riba e wèpsait di Representashon di Hulanda: www.vnacs.nl