Vota for di eksterior pa elekshon di Tweede Kamer
Vota for di eksterior pa elekshon di Tweede Kamer? Registrá pa mas tardá 11 di òktober! Bo ta biba na Aruba, Kòrsou òf Sint Maarten i bo tin e nashonalidat hulandes? E orei bo por registrá na munisipio di Den Haag komo votadó pafó di Hulanda si: bo a biba 10 aña na Hulanda; bo mes òf un miembro di bo famia ta traha den un funshon públiko hulandes.
Aki bo ta haña mas informashon i e formulario pa registrá: https://www.denhaag.nl/nl/bestuur-en-organisatie/verkiezingen/kiezers-buiten-nederland/registreren-voor-inwoners-van-sint-maarten-aruba-of-curacao.htm.
Votadó ku a registrá, ta risibí su papelnan di vota via Representashon di Hulanda. Bo no ta registrá komo votadó pafó di Hulanda ainda i bo ke vota pa elekshon di Tweede Kamer riba 22 di novèmber 2023? Yena e formulario di petishon, firma esaki i mandé bèk huntu ku un kopia di un dokumento di identifikashon hulandes bálido pa mas tardá 11 di òktober 2023.
Riba www.stemmenvanuithetbuitenland.nl por haña mas informashon. Entre otro e formularionan pa poderashon por eskrito, karchi pa votadó i un prueba di votashon remplasante i e formulario di registrashon pa votadó ku ta bibá den eksterior (temporalmente). E tim di Votadónan pafó di Hulanda gustosamente ta kontestá bo preguntanan: number di telefòn +31 70 353 44 00 (djaluna te ku djabièrnè, di mitar di 9 di mainta pa 5 ‘or di atardi tempu di Hulanda) òf via mail: kbn.verkiezingen@denhaag.nl.