Sekretario di estado Aukje de Vries di Finansa lo bishitá Aruba, Boneiru, Kòrsou i Sint Maarten

Sekretario di estado Aukje de Vries di Finansa (Rekargo i Duana) ta hasi un bishita di trabou di 4 te 9 di yüni na Aruba, Boneiru, Kòrsou i Sint Maarten. E sekretario di estado lo bishitá sekshonnan lokal di Servisio di Duana riba e islanan. E ta hasi esei entre otro den kuadro di e programa di Vigilansia di Frontera Fortalesé. Ademas e ta papia ku mayornan na Boneiru i Kòrsou, perhudiká pa e asuntu di kompensashon.

Aukje de Vries

Aruba

E biahe ta kuminsá na Aruba. Aya e sekretario di estado lo bishitá e aktividatnan di Duana den haf di Barcadera i lo opservá kon Duana na aeropuerto ta kontrolá karga aéreo. Mas aleu De Vries lo kombersá ku representantenan di otro servisionan, ku meskos ku Duana, ta embolbí ku prevenshon i kombatimentu di debilitashon na Aruba. Tambe e lo papia ku gobernador, promé minister i minister di Finansa i Kultura di Aruba.

Boneiru

Riba 6 di yüni sekretario di estado lo papia na Boneiru ku mayornan perhudiká pa e asuntu di kompensashon. Ademas e lo kombersá ku empleadonan di servisio na kliente i empleadonan di Supervishon Físiko di Duana i e lo bishitá un boto nobo di Duana den haf di Kralendijk.Tambe De Vries lo sera konosí ku e kolegio ehekutivo nobo di Boneiru.

Kòrsou

Riba 7 di yüni e sekretario di estado lo papia na Kòrsou ku mayornan ku ta luchando ku konsekuensianan di e asuntu di kompensashon. Ademas e lo kombersá ku e Tim di Sosten pa mayornan den eksterior na Kòrsou. Mas aleu De Vries lo deliberá ku organisashonnan ku ta dediká nan mes, basá riba un perspektiva di mantenshon (di lei), ku siguridat di frontera na Kòrsou. I e lo tin kombersashon ku gobernador, e representante di Hulanda interino, promé minister i otro miembronan di gabinete di Kòrsou. Riba 8 di yüni e sekretario di estado lo bishitá aktividatnan di kontrol di Duana den haf di Kòrsou

Sint Maarten

Riba 9 di yüni e sekretario di estado lo ta presente durante un kontrol di Duana den haf di Sint Maarten. Tambe e lo inspektá e kontrol di karga na aeropuerto. E lo papia ku Fiskal Mayó tokante debilitashon den e pais. Ademas De Vries lo papia ku gobernador i minister di Hustisia na Sint Maarten.