Grandinan ta disfrutá di karnaval
Grandi i chikitu ta selebrá fiesta di karnaval na Kòrsou.
Esei a bira bon kla e siman aki ora Coridja Stars Production ku yudansa di Representashon di Hulanda na Willemstad a organisá un fiesta di karnaval na Sambil spesial pa nos grandinan. Promé ku periodo di covid tabatin basta aña kaba ku no a organisá e fiesta di karnaval pa grandinan. E organisashon tabata haña importante pa trese kambio den esaki i a invitá grandinan pa disfrutá di tumba, otro músika di karnaval, algu di kome i di bebe.