Sekretario di Estado Van Huffelen ta bishitá Aruba, Kòrsou, Sint Maarten pa topa ku abitante
Sekretario di Estado Alexandra van Huffelen di Relashonnan den Reino ta bishitá Aruba, Kòrsou i Sint Maarten di djaluna 23 pa djabièrnè 27 di mei pa asina topa ku abitante-, negoshante-, boluntario- i organisashonnan sosial pa skucha nan preokupashon- i soñonan.
E Sekretario di Estado ta masha entusiasmá pa biaha pa e islanan i ta ekspresá: “Apesar ku naturalmente mi lo topa ku mandatarionan durante e biahe aki, mi enfoke lo ta mas riba sera konosí ku e abitantenan di e islanan. Komo mandatario nos tei pa e hendenan i no kontrali. Esei ta nifiká konkretamente ku mi no kier kombersá solamente ku polítiko. Mi kier sera konosí ku e abitantenan i organisashonnan sosial personalmente pa skucha kiko nan soñonan ta i tambe kiko nan preokupashonnan ta.”
Na Aruba e Sekretario di Estado entre otro lo kombersá ku diferente persona na e ‘Women Leadership Seminar’. Na Kòrsou Van Huffelen lo pasa tempu ku miembronan di Vereniging Bedrijfsleven Curacao (VBC). I na Sint Maarten e ta kombersá ku hóbennan profeshonal tokante nan ambishonnan.
Esaki lo ta e di dos bia ku Sekretario di Estado Van Huffelen ta bishitá e parti aki di Reino desde komienso di su término.