Presupuesto Aruba, Kòrsou i Sint Maarten no mester ta balansá na 2022
Na 2022 tampoko Aruba, Kòrsou i Sint Maarten no mester kumpli ku e normanan presupuestario. Esaki Konseho di Minister di Reino, na unda e kuater paisnan huntu ta trata asuntunan di Reino, a disidí awe. Esaki ta nifiká ku dentro di sierto kuadro e paisnan por gasta mas sèn ku ta drenta na entrada e aña aki.
E reglanan pa presupuesto di e paisnan ta establesé pa lei legalmente. E akuerdo ta ku Aruba, Kòrsou i Sint Maarten ta sòru pa un presupuesto balansá. Komo konsekuensia di e pandemia di corona mundial no a logra esaki na 2020 ni na 2021.
E paisnan a pidi i haña pèrmit pa desviá di e akuerdo aki. E pandemia i e konsekuensianan di esaki ta e motibu pa kua e paisnan a bolbe pidi aprobashon e aña aki pa desviá di e eksigensianan establesé i e paisnan a bolbe haña esaki.
“Mi ta kontentu ku nos por a yega na un akuerdo ku e paisnan”, asina Sekretario di Estado di Relashon den Reino, Alexandra van Huffelen, ta duna di konosé.
Hulanda a ofresé e paisnan yudansa den forma di sosten di fiansa di emergensia di aproksimadamente 1 bion florin. Tambe tin sosten kontinuo den e lucha kontra COVID-19 i Hulanda a yuda ku por ehèmpel pakete di kuminda.
Aruba
Aruba a pidi Konseho di Minister di Reino aprobashon tambe pa parsialmente eliminá e korte salarial di 12,5 porshento; un di e kondishonnan anteriormente akordá pa sosten di emergensia. Konseho di Minister di Reino no a bai di akuerdo ku esaki, entre otro paso Aruba ainda ta hasi un apelashon riba sosten di likides i no tin un presupuesto balansá. Sí a yega na e akuerdo ku Aruba ta bin ku proposishon kon na un otro manera por implementá e korte salarial. Tambe ta wak bou di kua kondishon riba término por eliminá e korte salarial.